Usı jıldıń 2 – 9 aprel kunleri aralıǵında Ózbekstan Respublikası Oraylıq banki atınan jaslardıń jámlew mádeniyatın qáliplestiriw, jeke finanslıq qáwipsizligin támiyinlew maqsetinde “Global Money Week 2024” xalıqaralıq tálim ilajı sheńberinde Qaraqalpaqstan Respublikasında jaylasqan 10 ekonomikalıq emes baǵdardaǵı joqarı oqıw orınlarında studentlerdiń finanslıq bilimlerin jetilistiriwge baylanıslı oqıw seminarların shólkemlestiriwge qatnasqan volontyorlar hám de olardı trenerlikke tayarlawda hám ekonomikalıq emes baǵdardaǵı studentler ushın ilajlardı ótkeriw boyınsha shólkemlestiriw máselelerine qatnasqan “Finans” kafedrası baslıǵı doc. Q.Daniyarovtı Oraylıq banktiń Qaraqalpaqstan Respublikası Bas basqarması qánigesı A.Abdikarimov tàrepinen sıylıqlaw keshesi ótkerildi. Bunnan soń volontyorlarǵa Oraylıq banktiń ishindegi hár bir bólim jumıs procesi menen tanıstırılıp ótildi hám bul jerde házirgi pul-kredit, valyuta kursları, rezerv aktivler, sonday-aq bank sistemasınıń turaqlılıǵın támiyinleniwi boyınsha keńirek tusiniklerge iye boldı.