Ximiya-texnologiya fakulteti professor-oqıtıwshıları hám Respublikamızdaǵı islep shıǵarıwshı kárxana wákilleri menen ushırasıw bolıp ótti. Ushırasıwda Qaraqalpaq mámleketlik universiteti oqıw isleri boyınsha prorektor O.Duysenbaev, Ximiya-texnologiya fakulteti dekanı B.Nurımbetov, Organikalıq hám organikalıq emes ximiya kafedrası baslıǵı w.w.a. Z.Uzaqbergenova, Fizikalıq hám kolloidlıq ximiya kafedrası baslıǵı O.Seytnazarova, Ximiyalıq texnologiya kafedrası baslıǵı B.Madenov, P.Qurbanbaev – Qońırat soda zavodı JShJniń islep shıǵarıw texnikalıq bólimi texnologi, O.Aleusinov – Qaraqalpaqstan Respublikası Haywanlar kesellikleri diagnostikası hám azıq-awqat ónimleri qáwipsizligi mámleketlik orayı direktor orınbasarı, A.Dawletov – Muzday spirtsiz ishimliklerdi islep shıǵarıw kárxanası direktor orınbasarı, İ.İsmaylov – Nókis qalası kámbaǵallıqtı qısqartıw hám bántlikke kómeklesiw bólimi baslıǵı, İ.Japakov – Nókis qalalıq mektepke shekemgi hám mektep bilimlendiriw bólimi qánigesi, U.Qurbaniyazova – Nukus Med Tex JShJ kadrlar boyınsha qánigesi, J.Dawletmuratov – QMU karera orayı baslıǵı, Ximiya-texnologiya fakulteti professor-oqıtıwshıları hám 2023-2024-oqıw jılı bakalavr tálim baǵdarı pitkeriwshileri qatnastı.

Ushırasıwdı fakultet dekanı ashıp berdi hám alıp bardı. Sonday-aq, kárxana wákillerine fakultet haqqında sonday-aq, tálim alıp atırǵan ximiya, ximiyalıq texnologiya hám azıq-awqat texnologiyası tálim baǵdarlarında ótilip atırǵan pánler, olardıń ámeliyatları, 2023/2024 oqıw jılında pitkeriwshiler haqqında maǵlıwmatlar berip ótti. Bunnan soń kárxana wákilleri sózge shıǵıp, kárxanaları, olardaǵı bos orınlar haqqında maǵlıwmatlar berdi, jumısqa qabıllaw tártibi, qánigelerge qoyılatuǵın talaplar haqqında aytıp ótti. Májilis qatnasıwshıları ózlerin qızıqtırǵan sorawlarǵa juwaplar aldı.

Allaniyazov M. – Organikalıq hám organikalıq emes ximiya kafedrası stajer-oqıtıwshısı