Joqarı bilimlendiriw, ilim hám innovaciyalar ministrligi, Qaraqalpaq mámleketlik universiteti, Ózbekstannıń 7 joqarı oqıw orınları hámde Evropa Awqamınan Italiyanıń Politecnico di Torino, Portugaliyanıń Universidade de Evora hám Ispaniyanıń Universidad Politecnica de Madrid universitetleri menen birgelikte ámelge asırılıp atırǵan «DEBSEUz-Development of the targeted Educational program for Bachelors in Solar Energy in Uzbekistan»  xalıqaralıq joybardıń gezektegi ushırasıwı (First Technical Training and Project Meeting) Italiyanıń Politecnico di Torino universitetinde bolıp ótpekte.

Seminar-trening 20-24 may kúnlerine rejelestirilgen bolıp tómendegi máseleler dodalanıwı názerde tutılǵan:

PV hám CSP ǵa tiykarlanǵan energiya sistemaları;

Energiyanı saqlaw usılları hám qurılmaları;

Óndiriste (islep shıǵarıwda) texnologiyalıq ólshewler hám ásbaplar;

Quyash jıllılıq qurılmaları hám sistemaları.

Joybar sheńberinde universitette oqıw procesiniń shólkemlestirilgenligi, alıp barılıp atırǵan ilim-izertlew jumısları, búgingi kúndegi oqıw hám ilimiy laboratoriya bazaları menen jaqınnan tanısılıp hám birge islesiwshi sherikler menen aldaǵı ámelge asırılatuǵın jumıslar dodalanbaqta.