Joqarı bilimlendiriw orınlarında «Máripat taratıp» joybarın ámelge asırıw is-ilajları haqqındaǵı Ózbekstan Respublikası Prezidenti Administraciyasınıń 2024-jıl 13-apreldegi 03-RA 1-5357-sanlı tapsırmasınıń orınlanıwın támiyinlew maqsetinde Berdaq atındaǵı Qaraqalpaq mámleketlik universitetiniń Matematika fakulteti «Differenciallıq teńlemeler» kafedrası oqıtıwshıları Q.Elgondiev, K.Baymuratova, Sh,Erejepova hám fakultetimiz ziyrek studentlerinen Z. Jalgasova Qońırat rayonı 8 hám 19-sanlı mekteplerine barıp ilajlar shólkemlestirdi. Iláj dawamında mektep oqıwshılarına jas áwladtıń hár tarepleme jetik insan bolıp qáliplesiwinde matematikanıń roli haqqında teoriyalıq hám ámeliy maǵlıwmatlar berildi. Sonday-aq, joqarı bilimlendiriwdegi sońǵı ózgerisler haqqında aytıp ótildi. Oqıwshılardıń matematikaǵa bolǵan sawatxanlıǵın asırıw, kitapqa bolǵan qızıǵıwshılıǵın arttırıw maqsetinde kafedra  professor-oqıtıwshıları tárepinen shıǵarılǵan kitaplar hám metodikalıq qollanbaların mektep kitapxanasına hám oqıwshılarǵa sawǵa etti.