Ózbekstan Respublikası Prezidenti Administraciyasınıń 2024-jıl 13-apreldegi 03-RA 1-5357-sanlı tapsırması hám Ózbekstan Respublikası Joqarı bilimlendiriw, ilim hám innovaciyalar ministrliginiń 2022-jıl 17-aprel kúngi 122-sanlı buyrıǵınıń orınlanıwın támiyinlew maqsetinde Geografiya hám tábiyiy resurslar fakultetiniń Ekonomikalıq hám sociallıq geografiya kafedrası professor-oqıtıwshıları usı jıldıń 21-may kúni Nókis rayonında «Máripat taratıp» joybarı tiykarında usı rayonnıń 16, 17 hám 32-sanlı mekteplerinde ilajlar shólkemlestirip, ushırasıwlar ótkerdi.

Dáslep fakultettiń professor-oqıtıwshılar mektep oqıwshıları ásirese, pitkeriwshi klass oqıwshıları menen kásip tańlaw jolları haqqında sáwbetlesiwler alıp bardı. Sáwbetlesiw barısında joqarı bilimlendiriwdegi sońǵı jıllardaǵı ózgerisler, abiturentler ushın berilip atırǵan imkaniyatlar, universitette oqıtılıp atırǵan tálim baǵdarları boyınsha maǵlıwmatlar berip ótildi. Bunnan soń, mektep oqıwshıları ózlerin qızıqtırǵan sorawlarǵa kafedra professor-oqıtıwshılarınan juwaplar aldı.  Oqıwshılardıń bilimin jetilistiriw, kitapqa bolǵan qızıǵıwshılıǵın arttırıw maqsetinde kafedra  professor – oqıtıwshıları tárepinen shıǵarılǵan kitaplar, geografiyalıq atlas hám bukletler mektep kitapxanasına hám oqıwshılarǵa sawǵa ettildi.

Ekonomikalıq hám sociallıq geografiya

kafedrası professor w.a. G.Xodjaeva