Ózbekstan Respublikası Prezidentiniń 2023-jıl 4-iyul kúngi «Hákimshilik reformalar sheńberinde joqarı bilimlendiriw, ilim hám innovaciyalar tarawında mámleketlik basqarıwdı nátiyjeli shólkemlestiriw is-ilajları haqqında»ǵı PQ-200-sanlı qararınıń 9-bántinde belgilengen wazıypalardıń orınlanıwın támiyinlew maqsetinde 2024-jıl 22-may kúni Qaraqalpaq mámleketlik universitetiniń Dene mádeniyatı fakultetinde “Joqarı hám professional tálimde dene tárbiyası hám sporttıń nátiyjeliligin asırıwdıń aktual pedagogikalıq mashqalaları hám perspektivaları” atamasında respublikalıq ilimiy-teoriyalıq konferenciya ótkerildi.
Konferenciyaǵa Ózbekstan Respublikası Joqarı oqıw orınları ilimpazları, birge islesip atırǵan sırt el ilimpazları, Qaraqalpaqstan Respublikası sport ministrligi xızmetkerleri, xalıqaralıq baylanıslar boyınsha prorektor T.Nurımbetov, Dene mádeniyatı fakultetiniń kafedra baslıqları, dekan orınbasarları, professor-oqıtıwshılar, tyutorlar, magistrantlar hám student-jaslar qatnastı. Konferenciyanı xalıqaralıq baylanıslar boyınsha prorektor T.Nurımbetov ashtı hám alıp bardı. Konferenciyada bayanatshılar búgingi kún temasınıń aktuallıǵı, búgingi kún talaplarınan kelip shıǵıp alıp qaraǵanımızda, keleshek áwladqa zamanǵa say bilim beriw, kásip-óner úyretiw, talantlı, uqıplı hám intellektual qábiletin ósiriw ushın zárúr bolǵan barlıq imkaniyatlardı jaratıw, házirgi kúnde olardı ulıwma insanıylıq hám milliy qádiriyatlar ruwxında tárbiyalaw máselesi mámleketimizdiń dıqqat itibarında ekenligi, elimizde alıp barılıp atırǵan reformalardıń maqseti, joqarı insanıylıq pazıyletlerge iye bárkamal áwladtı qáliplestiriwden ibarat ekenligi, jańa Ózbekstannıń bilimlendiriw sisteması, jáhán kóleminde jıl sayın turaqlasıp barıwı, onıń keleshegi búgingi áwladtıń bilimli, ruwxıy hám fizikalıq jaqtan bárkámal insanlar bolıp jetilisiwine baylanıslılıǵı, jaslardıń fizikalıq tayarlıǵınınıń rawajlanıwı hám sport túrleri boyınsha qábiletlerin qáliplestiriwde dene tárbiyası hám sporttıń áhmiyeti úlken bolıp tabılatuǵınlıǵın ayrıqsha atap ótti.
R.Óteniyazov
Dene mádeniyatı fakultetiniń jaslar menen islesiw boyınsha dekan orınbasarı
