Joqarı bilimlendiriw orınlarında «Máripat taratıp» joybarın ámelge asırıw is-ilajları haqqındaǵı Ózbekstan Respublikası Prezidenti Administraciyasınıń 2024-jıl 13-apreldegi 03-RA 1-5357-sanlı tapsırmasınıń orınlanıwın támiyinlew maqsetinde Berdaq atındaǵı Qaraqalpaq mámleketlik universitetiniń Biologiya fakulteti «Dárilik ósimlikler agroekologiyası hám introdukciyası» kafedrası oqıtıwshıları doc.G.J. Abdiniyazova, doc.w.w.a, S.Tóreniyazova hám B.Reipnazarov   Shomanay rayonı 27-sanlı ulıwma bilim beriw mektebine barıp ilajlar shólkemlestirdi. Ilaj dawamında mektep oqıwshılarına jas áwladtıń hár tarepleme jetik insan bolıp qáliplesiwinde mánáwiyattıń roli haqqında teoriyalıq hám ámeliy maǵlıwmatlar berildi. Ótkerilgen Ilaj sheńberinde «Zakovat», «Shaxmat», «Shashka», intellektual oyınları shólkemlestirilip, qızǵın bellesiwlerge bay boldı. Jarıs dawamında jeńimpazlar anıqlanıp, shólkemlestiriwshiler tárepinen tayarlanǵan diplomlar hám estelik sawǵaları menen sıylıqlandı. Sonday-aq, joqarı bilimlendiriwdegi sońǵı ózgerisler haqqında aytıp ótildi.