Joqarı bilimlendiriw orınlarında «Máripat taratıp» joybarın ámelge asırıw is-ilajları haqqındaǵı Ózbekstan Respublikası Prezidenti Administraciyasınıń 2024-jıl 13-apreldegi 03-RA 1-5357-sanlı tapsırmasınıń orınlanıwın támiyinlew maqsetinde Qaraqalpaq mámleketlik universiteti Yuridika fakulteti «Puqaralıq hám biznes huqıqı» kafedrası baslıǵı M.Tleumuratov, professor-oqıtıwshıları E.Allambergenov hám Yu.Abdreymovler «Máripat taratıp» joybarı tiykarında Qaraózek rayonınan bekitilgen mekteplerden 4-sanlı ulıwma bilim beriw mektebinde bolıp ilaj ótkerdi. Dáslep kafedranıń professor-oqıtıwshıları mektep oqıwshıları ásirese, pitkeriwshi klass oqıwshıları menen kásip tańlaw jolları haqqında hám yurisprudenciya tarawınıń áhmiyeti boyınsha sáwbetlesiwler alıp bardı. Sáwbetlesiw barısında oqıwshılarǵa yurisprudenciyanıń jetiskenlikleri, sonday-aq, joqarı bilimlendiriwdegi sońǵı ózgerisler, yaǵnıy Joqarı bilimlendiriw, ilim hám innovaciyalar ministrliginiń belgili qánigelikke ajıratılǵan mámleketlik grantı sheńberinde joqarı ball toplaǵan abituriyent, tańlaǵan joqarı oqıw ornına qaramastan, mámleket grantına usınıs etiliwi jáne mámleket grantı hár jılı joqarı baha alǵan studentler arasında bólinetuǵınlıǵı haqqında aytıp ótildi. Ilaj dawamında mektep oqıwshılarına jas áwladtıń hár tarepleme jetik insan bolıp qáliplesiwinde inglis tiliniń ornı, sonday-aq, joqarı bilimlendiriwdegi sońǵı ózgerisler haqqında aytıp ótildi. Oqıwshılarǵa universitetimiz haqqında maǵlıwmatlar berildi.