Berdaq atındaǵı Qaraqalpaq mámleketlik universitetiniń Qurılıs fakultetinde “Pedagogtıń statusı” haqqındaǵı nızam professor–oqıtıwshılar qatnasında dodalandı. Dáslep fakultet dekanı T.Uzaqov Ózbekstan Respublikası nızamı, pedagogtıń statusı haqqındaǵı ÓRN-901, 01.02.2024-jılda qabıl etilgen nızamlı huquq boyınsha professor-oqıtıwshılarǵa túsindirmeler berdi. Nızamshılıq palatası tárepinen 2023-jıl 1-avgustda qabıl etilgen, Senat tárepinen 2023-jıl 19-sentyabrde maqullanǵan pedagogtıń statusı haqqında nızamlı huquqıy hújjet ekenligin aytıp ótti.
Bunnan soń, fakultet ilimiy isleri boyınsha dekan orınbasarı T.Aytmuratov sózge shıǵıp: Bul hújjet jámi 21 statyadan ibarat bolıp, bunda pedagogtıń qádir-qımbatı, olardıń haq-huquqları mámleket tárepinen qorǵalatuǵınlıǵı, pedagog xızmetkerlerdi abadanlastırıw jumıslarına sonıń menen birge awıl-xojalıq jumıslarınada qamtımaw, olardıń iskerligi boyınsha xoshametlew, olardıń etikalıq huquqları, pedagoglardıń da minnetlemeleri keltirilgenligi haqqında aytılıp, usı nızamdaǵı bar bolǵan statyalar menen professor-oqıtıwshılardı tanıstırıp ótti.
