Usı jıldıń 13-iyun sánesinde Oraylıq Aziya mámleketleriniń Konsalting joybarı aymaqlıq koordinatorı Dara Buxtoyarova tárepinen Joqarı oqıw orınlarınıń QS (Quacquarelli Symonds) xalıqaralıq reytingi pánleri boyınsha zoom platforması arqalı onlayn seminar ótkerildi. Onda Berdaq atındaǵı Qaraqalpaq mámleketlik universiteti xalıqaralıq baylanıslar boyınsha prorektor basshılıǵında universitettiń barlıq kafedralarınan xalıqaralıq birge islesiw boyınsha tiyisli juwapkerler qatnastı.

Dáslep Dara Buxtayarova óziniń prezentaciyası járdeminde QS reytingi, dúnya júzindegi hám Aziyadaǵı universitetlerdiń reytingleri haqqında maǵlıwmatlar berip ótti. Bunnan soń, Qaraqalpaq mámleketlik universitetiniń iskerligi, QS reytingindegi ornı hám pánler boyınsha jetiskenlikleri haqqında atap ótti. Maǵlıwmat ornında aytıp ótetuǵın bolsaq 2024-jılǵı QS Universitetler boyınsha reytinginiń izertlewleri boyınsha, QMU Tiller hám Injiniring&texnologiyalar pánleri jaqsı kórsetkishlerdi kórsetip kelmekte. Bunda yaǵnıy tálim baǵdarı eń kóp akademiyalıq nominaciyalardı alǵan tarawlar, onnan keyingi orında qorshaǵan ortalıq haqqındaǵı pánler turadı.

Seminar barısında hár bir taraw hám pánlerdiń iskerligi, házirge shekem islengen jumıslar sonday-aq, pánler boyınsha jazılǵan maqalalar haqqında tolıq maǵlıwmatlar berip ótildi.