Berdaq atındaǵı Qaraqalpaq mámleketlik universiteti professor-oqıtıwshıları Ilimiy isler hám innovaciyalar boyınsha prorektorı prof. Izimbet Turdımambetov basshılıǵında 17-iyuń kúni Qıtay mámleketi Tyanczin qalasında Tyancszin awıl xojalıq universiteti rektorı prof. Jin Weiwei hám usı universitettiń adminstraciya aǵzaları menen keń kólemde ushırasıw bolıp ótti. Bul ushırasıwda usı jıldıń basında universitet rektorı akademik Axmed Reymov hám Tyanczin rektorı professor Jin Weiwei menen birgelikte dúzilgen memorandum shártnaması tiykarında sóylesiwler alıp barıldı. Sóylesiwler barısında bilimlendiriw salasındaǵı birge islesiwlerdi jolǵa qoyıw, akademiyalıq mobillikti ámelge asırıw, doktorantlardı ilimiy stajirovkaǵa jiberiw, professor-oqıtıwshılardı almasıw, birgelikte konferenciyalar shólkemlestiriw, skopus bazasındaǵı jurnallarǵa maqalalardı baspadan shıǵarıw, birgelikte ilimiy joybarlar islep shıǵıw hám taǵı basqada máseleler boyınsha kelisip alındı. Bul ushırasıwda ásirese Qaraqalpaq mámleketlik universiteti doktorantları, professor-oqıtıwshıları, Tyanczin awıl xojalıq universitetiniń ilimiy labaratoriyalarınan keńnen paydalanıw, Aral boyı aymaǵındaǵı ekologiyalıq mashqalalardı sheshiw hám aldın alıw boyınsha qospa joybarlardı islep shıǵıp rejelestirildi. I.Turdımambetov basshılıǵıńdaǵı QMU professor-oqıtıwshılarınıń xızmet saparı dawam etedi.

 Bul ushırasıw eki universitet arasındaǵı birge islesiw memorandum tiykarında ámelge asırılǵan bolıp bunda univeristetler arasında ilimiy joybarlardı jolǵa qoyıw hám birge islesiw boyınsha máseleler kórip shıǵıldı.