Búgin Berdaq atındaǵı Qaraqalpaq mámleketlik universitetiniń akademik Ch.Abdirov atındaǵı mádeniyat sarayında «Jaslar aylıǵı» sheńberinde “Qutqarıwshı jaslar forumı” bolıp ótti. Onda (onlayn) Ózbekstan Respublikası Ayrıqsha jaǵdaylar ministri general-mayor A.X.Qo‘ldoshev, Ayrıqsha jaǵdaylar ministri orınbasarı X.Alibayev, Qaraqalpaqstan Respublikası Joqarǵı Keńesiniń komitet baslıǵı T.Romanov hám tiyisli mákeme hám shólkemlerden wákiller, áskeriy xızmetkerler qatnastı. Dáslep forum Ózbekstan hám Qaraqalpaqstan Respublikalarınıń mámleketlik gimnleri menen baslandı. Forumda sózge shıqqanlar Ózbekstan Respublikasında Jaslarǵa tiyisli mámleket siyasatınıń orınlanıwı hám forumnıń maqset hám áhmiyet haqqında aytıp ótti. Forumda dawamında miymanlar ayrıqsha jaǵdaylar bólimine tiyisli texnikalar, kórgizbeli qurallar menen tanıstı.

QMU baspasóz xızmeti