Búgin 1-iyul kúni Berdaq atındaǵı Qaraqalpaq mámleketlik universitetinde Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Innovaciyalıq rawajlanıw agentligi direktorı  Sh.Rajabbaevtıń Qaraqalpaqstan Respublikasındaǵı barlıq joqarı oqıw orınları  prorektorları, direktor orınbasarları, professor-oqıtıwshılar, jas alımlar, doktorantlar hám student-jaslar qatnasıwında kóshpeli qabıllawı bolıp ótti. Kóshpeli qabıllawda Qaraqalpaqstan Respublikası awıl xojalıǵı ministri orınbasarı N.Kayupov, universitet Ilimiy isler hám innovaciyalar boyınsha prorektorı I.Turdimambetov hám de Innovaciyalıq rawajlanıw agentliginiń tiyisli basqarma hám bólim baslıqları ZOOM platforması arqalı qatnastı.

Kóshpeli qabıllaw ótkeriwden tiykarǵı maqset mámleketlik baǵdarlama tiykarında qarjılandırılatuǵın fundamental, ámeliy hám innovaciyalıq joybarlardı ámelge asırıw tártipleri, olarǵa kirgizilip atırǵan ózgerisler, joybarlardı agentlikke tapsırıw shártleri, startap joybarlardı qáliplestiriw tártipleri boyınsha qatnasıwshılarǵa keńnen túsinikler beriw, professor-oqıtıwshı hám jas alımlardıń ilimiy innovaciyalıq ideyaların qollap-quwatlaw bolıp esaplanadı. Kóshpeli qabıllaw barısında barlıq qatnasıwshılar joybarlardı ámelge asırıw tártipleri boyınsha ózleri qızıqtırǵan sorawlarına tiyisli juwapların aldı.