“Shańaraq hám gender” ilimiy-izertlew institutı hám BMSH “Aholishunoslik” fondı tárepinen “Ózbekstanda sociallıq-ekonomikalıq rawajlanıwı ushın demografiyalıq maǵlıwmatlardan paydalanıw” atamasındaǵı JAZǴÍ MEKTEP-2024 shólkemlestirildi. Bunnan tiykarǵı maqset búgingi kúnde mámleketimizde bolıp atırǵan demografiyalıq ózgerislerdiń jaǵdayın analizlew, Respublikamızda 2050 jılǵa shekemgi islep shıǵılǵan prognozlardı talıqlaw bolıp tabıladı.

Ilajdı “Shańaraq hám gender” ilimiy-izertlew institutı direktori Nodira Egamberdiyeva hám BMSH “Aholishunoslik” fondınıń (UNFPA) Ózbekstandaǵı wákili Nigina Abaszada ashıp berdi. Jazǵı mektepte Berdaq atındaǵı Qaraqalpaq mámleketlik universiteti Sociallıq pánler kafedrası docenti, “Shańaraq hám gender” ilimiy-izertlew institutı Demografiya laboratoriyası aǵzası Nesibeli Zaretdinova tıńlawshı sıpatında qatnastı. Jazǵı mektepte ekspertler Durbek Ahmedov, Botir Alimuxamedov, Sobir Xaytmuratov, Xamid Abduramanov, Sherzod Dusnaev, Muxabbat Axmedova, Adiba Nuriddinova, Maruf Shodiyev, Alisher Yunusov, Kamola Ismoilova, Sulxiya Gaziyeva hàm Bobur Xontо‘rayevler tárepinen:
– Ózbekstannıń demografiyalıq rawajlanıw tendenciyaları,
– Demografiya milliy portalınıń prezentaciyası;
-Ózbekstannıń 2050-jılǵa shekem islep shıǵılǵan demografiyalıq prognoz parametrleri;
– Ózbekstanda demografiyalıq dividend alıw imkaniyatları;
-Demografiyalıq processlerdiń sociallıq qorǵaw sistemasına tásiri;
– Ózbekstanda tiykarǵı demografiyalıq kórsetkishlerdi qáliplestiriw tártibi;
– Ishki hám sırtqı migraciya boyınsha maǵlıwmatlar júritiw: mashqala hàm
sheshimler;
-Ózbekstanda insan kapitalın rawajlandırıw hám demografiyalıq dividendke erisiw imkaniyatları;
-Demografiya, shańaraq hám balalar;
-Xalıqtıń qartayıw tendenciyaları. -Ózbekstanda qartayıw indeksin usınıs etiw boyınsha ótkerilgen izertlewlerdiń nátiyjeleri;
-Demografiyalıq ózgerislerdiń miynet bazarına tásiri sıyaqlı temalarda lekciyalar otti. Jazǵı mektepte Demografiya boyınsha qánigeler, professor ilimpazlar demografiyalıq kórsetkishlerden Ministrlikler hám mákeme shólkemler iskerliginde paydalanıw haqqında bahalı maǵlıwmatlar hám usınıslar berildi.