Usı jıldıń 11-avgust kúninen baslap, Nókis qalası Ashshı kól aymaǵında jaylasqan «Qaraqalpaq awıl» dem alıw orayında Qaraqalpaqstan Respublikasındaǵı Joqarı oqıw orınlarında oqıp atırǵan student-jaslar ushın «Studentler jazǵı lageri» shólkemlestirildi. Onda Berdaq atındaǵı Qaraqalpaq mámleketlik universitetinen ziyrek student-jaslar qatnaspaqta.

Búgin 12-avgust kúni «Studentler jazǵı lageri»nde Berdaq atındaǵı Qaraqalpaq mámleketlik universiteti jámááti hám professor-oqıtıwshılar tárepinen student-jaslardıń bos waqıtların mazmunlı hám kewilli ótkeriw maqsetinde hár qıylı sport jarısları, seminar trening hám mádeniy ilajlar ótkerildi.

Maǵlıwmat ushın; bul «Studentler jazǵı lageri» student-jaslar arasında tálim-tárbiya sistemasın jetilistiriw sonday-aq, «Úshinshi Renessansqa qaray» principi menen «Ilimdi qádirleń, ilimge umtılıń!» súreni tiykarında birinshi márte shólkemlestirilmekte.