Xabarıńız bar, usı jılıdıń 27-may kúni Ózbekstan Respublikası Oraylıq saylaw komissiyası tárepinen «Saylaw komissiyaları aǵzalarınıń mamanlıǵın arttırıwdı shólkemlestiriw haqqında”gı koncepciyası tastıyıqlandı.
Usı Koncepciyaǵa tiykarlanıp 12-14-avgust kúnleri Respublikamızdaǵı jetekshi joqarı oqıw orınları professor-oqıtıwshılarınan trenerler qáliplestirilip, Tashkent qalasında Mámleket basqarıwı akademiyasında 3 kúnlik oqıw seminarları shólkemlestirilmekte. Bul oqıw seminarda Berdaq atındaǵı Qaraqalpaq mámleketlik universiteti rektorı A.Reymov basshılıǵında universitettiń Yuridika fakulteti professor-oqıtıwshıları qatnaspaqta.
Dáslep seminarda Oraylıq saylaw komissiyası baslıǵı Z.Nizamxodjaev, Ózbekstan Respublikası Prezidenti janındaǵı Mámleket basqarıwı akademiyası rektorı A.Bekmurodovlar sózge shıǵıp, Oraylıq saylaw komissiyası tárepinen birge islesiwshi shólkemler menen birgelikte islep shıǵılǵan Saylaw komissiyaları aǵzalarınıń mamanlıǵın arttırıwdı shólkemlestiriw koncepciyası saylaw procesi qatnasıwshılarınıń saylawdı shólkemlestiriw hám ótkeriw boyınsha kónlikpe hám mamanlıǵın, saylaw processleri tarawındaǵı huqıqıy bilimin bekkemlewge qaratılǵanlıǵın aytıp, seminar qatnasıwshılarına keń túrde maǵlıwmatlar berdi.
QMU baspasóz xızmeti
