Aldın xabar bergenimizdey, búgin, Berdaq atındaǵı Qaraqalpaq mámleketlik universitetinde jańa 2024/2025 oqıw jılı baslandı. Usı múnásibet penen universitet rektorı A.Reymov jańa oqıw jılında universitetke oqıwǵa qabıl etilgen studentler menen ushırastı. Ushırasıwda rektor A.Reymov Húrmetli Prezidentimizdiń bilimlendiriw tarawına bolǵan ayrıqsha itibarı, jaslardıń joqarı bilim alıwları ushın kórsetip atırǵan atalarsha ǵamxorlıǵı, sonday-aq, elimizde ámelge asırılıp atırılıp atırǵan reformalar haqqında aytıp ótti.

Bunnan soń, universitettiń sońǵı jılları erisken jetiskenlikleri atap aytqanda: Akademiyalıq baǵdarlamalardı jetilistiriw; studentler ushın zamanagóy oqıw imaratlarınıń qurılısı hám texnologiyalar menen támiyinleniwi; xalıqaralıq baylanıslardıń keńeyiwi hám sırt el universitetleri menen birgelikte ámelge asırılǵan ilimiy joybarlar; izertlew laboratoriyalarınıń zamanagóy úskeneler menen támiyinleniwi; universitettiń keleshektegi rejeleri sonday-aq, universitetimizde, oqıp bilim alıwı ushın studentlerge barlıq múmkinshilikler jaratılǵanlıǵı haqqında aytıp ótti.

Sáwbetlesiw dawamında student-jaslar ózlerin qızıqtırǵan sorawlarına juwaplar aldı. Rektordıń jańa oqıw jılında student-jaslar menen ushırasıp sáwbetlesiwi, universitettiń keleshektegi perspektivaları hám imkaniyatları haqqındaǵı aytqan maǵlıwmatları studentlerdi oqıw jılın tabıslı baslawı jáne de óz ústinde kóbirek islewge iytermeleydi.

QMU baspasóz xızmeti.