Berdaq atındaǵı Qaraqalpaq mámleketlik universitetinde studentlerdiń bántligi hám pitkeriwshilerdi jumıs penen támiyinlew máselelerine baǵıshlanǵan baspasóz konferenciya bolıp ótti. Bul ilajda universitet juwapkerleri, professor-oqıtıwshılar hám ǴXQ wákilleri qatnastı.

Konferenciyada sózge shıqqanlar pitkeriwshilerdiń bántligin támiyinlew máselesi áhmiyetli ekenin atap ótti. Onda tek ǵana bilim beriwshi mákeme emes, al jaslardı keleshektegi kásipke tayarlawshı oray sıpatında jumıs alıp barıwı kerek ekenligin atap ótti. Sonday-aq, universitette ámelge asırılıp atırǵan joybarlar hám studentler ushın jaratılıp atırǵan imkaniyatlar haqqında tolıq maǵlıwmat berildi.

Konferneciyada universitette studentler ushın shólkemlestirilgen dógerekler hám qosımsha oqıw kursları haqqında maǵlıwmat berildi. Atap aytqanda, studentlerdi zamanagóy kásip-ónerler hám texnologiyalar boyınsha bilim hám kónlikpeler menen támiyinlewge qaratılǵan jańa joybarlar, sonday-aq, studentlerdi hár qıylı tarawlardaǵı kompaniyalar menen baylanıstıratuǵın birge islesiw baǵdarlamaları haqqında sóz boldı.

Bul baslamalardıń nátiyjesinde kóplegen studentler universitet oqıw procesinde ámeliy tájiriybe alıwı názerde tutılǵan. Baspasóz konferenciyası atap ótilgenindey studentlerdiń bántligin támiyinlew universitettiń tiykarǵı baǵdarlarınan biri bolıp esaplanadı.