Búgin 25-sentyabr kúni Berdaq atındaǵı Qaraqalpaq mámleketlik universiteti rektorı A.Reymov universitettiń Geografiya hám tábiyiy resurslar fakultetinde boldı. Dáslep oqıw processleri, sonıń ishinde, professor-oqıtıwshılar tárepinen alıp barılıp atırǵan sabaqlardı bahladı. Sonday-aq, sabaq processleriniń sapası, studentlerdiń belsendiligi hám oqıw materialların jetkeriw metodlarına ayrıqsha itibar qarattı.
Ol jerde oqıtıw processin jáne de interaktiv hám nátiyjeli shólkemlestiriw, studentlerdiń ámeliy bilimlerin bekkemlewge kóbirek itibar qaratıw kerek ekenligin atap ótti. Usıdan kelip shıǵıp, rektor sabaqlardı jáne de jetilistiriw, jańa pedagogikalıq texnologiyalardan keńnen paydalanıw hám kemshiliklerdi saplastırıw boyınsha fakultet dekanı hám juwapkerlerge tiyisli tapsırmalar berdi.
Bunnan soń, toparlardaǵı student-jaslar menen aldaǵı rejeleri haqqında ashıq sáwbet ótkerdi. Sáwbetlesiw dawamında rektor studentlerdiń oqıw procesindegi jetiskenlikleri hám keleshektegi ilimiy hám kásiplik rejelerine qızıǵıwshılıq bildirdi. Rektor jaslardıń bilimge bolǵan umtılısların joqarı bahalap, olarǵa keleshekte jaqsı nátiyjege erisiw ushın ilimiy hám ámeliy bilimlerdi rawajlandırıw zárúr ekenligin atap ótti. Sonday-aq, ol universitet tárepinen jaratılıp atırǵan imkaniyatlar hám sharayatlardan nátiyjeli paydalanıw boyınsha óz usınısların berdi. Bunday ilajlar barlıq fakultetlerde dawam etpekte…
QMU baspasóz xızmeti
