Berdaq atındaǵı Qaraqalpaq mámleketlik universiteti, Repressiya qurbanların eslew muzeyinde hápteliktiń ekinshi kúni Arqa-batıs okrugi 21131 áskeriy bólimde xızmet etip atırǵan áskerler hám usı okrugtıń oficerleri hám serjantları menen birgelikte ilaj ótkerildi. Áskerler dáslep muzeydiń ashılıw tariyxı, universitettiń Kórkem óner fakulteti tárepinen qoyılǵan kórgizbesin tamashalaw menen basladı.

Bunnan soń, muzeydiń tiykarǵı ekspoziciya zalı menen tanıstı. Onda universitettiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov tárepinen universitet quramındaǵı muzeydiń ashılıw tariyxı hám ondaǵı toplanǵan eksponatlar haqqında túsinik berip ótti.

Sonday-aq ilajǵa Nókis gornizonı Ruwxıylıq hám aǵartıwshılıq orayı baslıǵı mayor Z.Olijanov, tárbiyashı, mayor I.Safarov, ruwxıy-aǵartıwshı G.Mamatova, áskeriy bólim xızmetkerleri H.Vohidov, I.Ikramovlar qatnastı. Ilaj sońında mayor Z.Olijanov Arqa-batıs okrugi tárepinen miymanda bolǵan áskerlerde muzey haqqında keń túrde túsinikke iye bolǵanlıǵın hám olarda úlken qızıǵıwshılıq oyatqanlıǵın, keleshekte xalqımızdıń tınıshlıǵı ushın ayanbay xızmet etetuǵınlıǵına isenim bildirdi.

QMU baspasóz xızmeti