Ózbekstan Respublikası Prezidentiniń 2024-jıl 19-iyuldegi «Siyasiy repressiya qurbanı bolǵan watanlaslarımızdıń ómiri hám jumısın úyreniw, úgit-násiyatlaw hám olardıń esteligin mángilestiriw baǵdarındaǵı jumıslardı keńeytiw haqqında»ǵı PQ-270-sanlı qararında belgilengen hár jılı oktyabr ayınıń birinshi hápteliginde mámleketimizde «Siyasiy repressiya qurbanların eslew» hápteligi etip belgilew kórsetilgen edi. Qararda kórsetilen wazıypalardı orınlaw maqsetinde 2-10-oktyabr kúnleri aralıǵında Repressiya qurbanların eslew muzeyinde usı háptelikti ótkeriw rejelestirilgen edi, hápteliktiń úshinshi kúninde Ózbekstan Respublikası IIMne qaraslı «Temurbekler mektebi» áskeriy akademiyalıq liceyi hám usı ministrlikke qaraslı Qaraqalpaq akademiyalıq liceyi oqıwshıları hám oqıtıwshıları, Qaraqalpaqstan Respublikası ishki isler ministrliginiń ruwxıylıq aǵartıwshılıq isleri hám qánigeler menen támiyinlew xızmeti baslıǵı orınbasarı podpolkovnik Madjidov Abdimalik Abdiazimovich, Qaraqalpaqstan Respublikası ishki isler ministrliginiń aǵa inspektorı mayor Bazarbaev Ańsatbay Bazarbaevich, universitettiń Jaslar máseleleri hám ruwxıylıq-aǵartıwshılıq isleri boyınsha prorektorı Alawatdinov Saxabatdin Iniyatdinovich, Repressiya qurbanların eslew muzeyi xızmetkerleri qatnasıwında is ilaj keshesi bolıp ótti.
Dáslep miymanlar muzeyde islengen jumıslar, kórkem óner fakulteti studentleri tárepinen qol miyneti menen islengen ámeliy kórgizbeler, muzey zallarındaǵı ekspoziciyalar menen tanıstı. Bunnan soń, universitettiń májilisler zalında Húrmetli Prezidentimiz Shavkat Miromonivich Mirziyoevtiń 2024-jılı 31 avgust kúni Tashkent qalasındaǵı Sheyitler esteliginde repressiya qurbanlarınıń atların máńgilestiriw boyınsha aytıp ótilgen tapsırmaları, Ózbekstan Respublikası Prezidentiniń 2020-jıl 8-oktyabrdegi F-5598 sanlı “Repressiya qurbanları miyrasın jáne de tereń úyreniw hám olardıń atın máńgilestiriw” tiyisli qosımsha is ilajlar haqqındaǵı biyligi wazıypaların orınlaw boyınsha islengen jumıslar, «Estelik» kitabınıń baspaǵa tayarlaw jumısları haqqında qatnasıwshılarǵa keń túrde túsinik berildi. Sonıń menen birge Qaraqalpaqstan Respublikası ishki isler ministrliginde jumıs islep Repressiyaǵa ushıraǵan el azamatlarına arnalǵan 2024-jılı baspadan shıqqan “ Tarix: xotira, xulosa va saboqlar” dep atalǵan kitabın muzeyge sawǵa etti. Bul muzey ushın úlken jańalıq hám biybaha eksponat bolıp esaplanadı. Bunday biybaha ekspontalardı muzeyge qabıllaw, onı xalıqqa járiya etiw, muzey ekspoziciyasına jaylastırıw Prezident qararında kórsetilgen wazıypalardı orınlawdıń bir ayqın dáliyli bolıp tabıladı.
Qaraqalpaqstan Respublikası ishki isler ministrliginiń aǵa inspektorı mayor Bazarbaev Ańsatbay Bazarbaevich, licey hám muzey jámááti is ilajdıń mazmunlı ótkeriliwine úlken xızmet etti. Ilaj dawamında qatnasıwshılarǵa siyasiy repressiya qurbanları bolǵan jerleslerimizdiń miynet jolı, xızmetleri menen jaqınnan tanıstırıldı, oqıwshı jaslarǵa ilaj qatnasıwshılarına muzey xızmetkerleri repressiya dáwiri haqqında keń túrde túsinikler berip ótti hám oqıwshılar ózleriniń qızıqtırǵan sorawların berip, tiyisli qánigelerden qanaatlandırarlı juwaplar aldı. Bunday is ilajalar universitette 10-oktyabr kúnine deyin dawam etedi.
Amina Mambetkarimova,
Repressiya qurbanların
eslew muzeyi xızmetkeri
