Ózbekstan Respublikası Prezidenti Administraciyasınıń 2024-jıl 13-apreldegi 03-RA 1-5357-sanlı tapsırmasınıń orınlanıwın hám Ózbekstan Respublikası Joqarı bilimlendiriw, ilim hám innovaciyalar ministrliginiń 2022-jıl 17-aprel kúngi 122-sanlı buyrıǵınıń orınlanıwın támiyinlew maqsetinde Geografiya hám tábiyiy resurslar fakultetiniń “Ekonomikalıq hám sociallıq geografiya” kafedrası professor-oqıtıwshıları 2024-jıl 27-noyabr kúni Nókis rayonında «Máripat taratıp» joybarı tiykarında usı rayonnıń 16-17-32-sanlı mekteplerine barıp ilajlar shólkemlestirdi ushırasıwlar ótkerdi.
Ushırasıwda mektep oqıwshı hám oqıtıwshıları Qaraqalpaqstan Respublikasınıń Joqarı Keńesi deputatı g.i.d., professor Polat Rasbergenovich Reymov penen sáwbetlesti. Sonday-aq, fakultettiń professor-oqıtıwshılar mektep oqıwshıları ásirese, pitkeriwshi klass oqıwshıları menen kásip tańlawda nelerge itibar qaratıw kerekligi haqqında sáwbetlesiwler alıp bardı. Sáwbet dawamında joqarı bilimlendiriwdegi sońǵı jıllardaǵı ózgerisler, abiturentler ushın berilip atırǵan imkaniyatlar, universitette oqıtılıp atırǵan tálim baǵdarları boyınsha maǵlıwmatlar berip ótildi. Bunnan soń, mektep oqıwshıları ózlerin qızıqtırǵan sorawlarǵa kafedra professor-oqıtıwshılarınan juwaplar aldı. Oqıwshılardıń sawatxanlıǵın asırıw, kitapqa bolǵan qızıǵıwshılıǵın arttırıw maqsetinde kafedra professor – oqıtıwshıları hám 4-kurs studentleri tárepinen “Zakovat” oyınları shálkemlestirildi, oyın jeńimpazları bahalı sıylıqlar menen sıylıqlandı.
Ekonomikalıq hám sociallıq geografiya
kafedrası professor w.a. G.Xodjaeva
