O’zbekistan Respublikası Joqarı Bilimlendiriw Ilim hám Innovaciyalar Ministrliginiń 2023-jıl 6-mart kúngi 44-sanlı  “Professional ilim mekemelerin metodikalıq hám ilimiy jaqtan qollap quwatlaw haqqında”ǵı buyrıǵınıń orınlanıwın támiyinlew maqsetinde Qaraqalpaq mámleketlik universiteti rektorınıń 2024-jıl 10-iyun kúngi 213 D/1-sanlı buyrıǵı tiykarında Shet tilleri fakulteti Inglis til bilimi kafedrası professor-oqıtıwshıları E. Erimbetova hám G.Chimbergenovalar  Qaraqalpaq mámleketlik universiteti akademiyalıq liceyi oqıtıwshıları hám oqıwshıları menen seminar shólkemlestirdi. Seminar dawamında licey oqıwshıları hám oqıtıwshıları qatnasında sáwbet alıp barılıp, olardıń qızıǵıwshılıqları, keleshekte durıs kásip tańlawı, jetik insan bolıp jetilisiwi, shet tillerin úyrenip, til biliw dárejesin kórsetiwshi milliy hám xalıqaralıq sertifikatlardan В2, С1 dárejelerine iye bolıw boyınsha jol-jobalar kórsetildi hám qızıqlı soraw-juwaplar, oyınlar ótkerdi. Sonday-aq, universitet jetiskenlikleri hám jaratılǵan sharayatları haqqında maǵlıwmatlar berildi. Oqıwshı jaslar ózleri qızıqtırǵan sorawlarına juwaplar aldı.

Seminar juwmaǵında qatnasıwshılar óz pikir usınısların bildirdi. Sonday-aq, hár bir akademiyalıq licey oqıtıwshısı óz oqıw ornındaǵı ilimiy hám metodikalıq jaǵdaylar, olardı shet tilin úyretiwdegi dus keletuǵın mashqalalar hám jetiskenlikler haqqında tajiriybe almasıw maqsetinde seminarlardı bunnan bılayda shólkemlestiriw kerek2529ligin aytıp ótti. 

Elza Erimbetova, Gulzar Chimbergenova

Inglis til bilimi kafedrası oqıtıwshıları