Usı jıldıń 27-dekabr kúni universitet keńesiniń gezektegi májilisi bolıp ótti. Onda universitettiń barlıq prorektorları, bólim baslıqları, fakultet dekanları, kafedra baslıqları hám ilimiy keńes aǵzaları qatnastı. Májilisti universitet rektorı, akademik Axmed Reymov basqarıp bardı.
Májiliste rektor A.Reymov Húrmetli Prezidentimiz basshılıǵında joqarı bilimlendiriw tarawına qaratılıp atırǵan joqarı itibarǵa ayrıqsha toqtap ótti. Ol sońǵı jıllarda joqarı bilimlendiriw sistemasında ámelge asırılıp atırǵan keń kólemli reformalar, professor-oqıtıwshılar hám ilimpazlar aldına qoyǵan wazıypalardıń áhmiyetin atap ótti.
Sonıń menen birge, bilimlendiriw procesin bunnan bılay da jetilistiriw, ilimiy izertlewlerdiń nátiyjeliligin arttırıw baǵdarındaǵı tiykarǵı wazıypalarǵa itibar qarattı. Sonday-aq, bul wazıypalardı ámelge asırıwda barlıq xızmetkerler teńdey juwapkershilik penen jumıs alıp barıwı kerek ekenligin aytıp ótti.
Bunnan soń, QMU janındaǵı 11.00.02 – «Ekonomikalıq hám sociallıq geografiya» qánigeligi boyınsha filosofiya doktorı (PhD) ilimiy dárejelerin beriwshi PhD.03/31.10.2022.Gr.20.08 Ilimiy Keńestiń iskerligi haqqında Keńes baslıǵı I.Turdımambetovtıń;
-QMU janındaǵı 08.00.04 – «Awıl xojalıǵı ekonomikası» hám 08.00.05 – «Xızmet kórsetiw tarmaqları ekonomikası» qánigelikleri boyınsha filosofiya doktorı (PhD) ilimiy dárejelerin beriwshi PhD.03/30.12.2019.I.20.06 Ilimiy Keńestiń iskerligi haqqında Keńes baslıǵı J.Sawxanovtıń;
-QMU janındaǵı 03.00.08 – «Adam hám haywanlar fiziologiyası» qánigeligi boyınsha filosofiya doktorı (PhD) ilimiy dárejelerin beriwshi PhD.03/29.12.2023.V.20.10 Ilimiy Keńestiń iskerligi haqqında Keńes baslıǵı A.Matchanovtıń bayanatları tıńlandı.
Májilis juwmaǵında universitettiń keleshektegi rejelerin dodalaw, alǵa qoyılǵan usınıslardı úyreniw hám ámelge asırıw boyınsha tiyisli qararlar qabıl etildi.
QMU baspasóz xızmeti
