Ózbekstan Respublikası Joqarı bilimlendiriw, ilim hám innovaciyalar ministrliginiń 2024-jıl 29-noyabr kúngi Qaraqalpaqstan Respublikasındaǵı joqarı oqıw orınlarınıń aymaqlıq sociallıq-ekonomikalıq rawajlandırıwdaǵı iskerligin jetilistiriw boyınsha rejesiniń orınlanıwın támiyinlew maqsetinde Nókis qalasında jaylasqan «Shayırlar» MPJ Dene mádeniyatı fakultetine biriktirilgen. Usı múnásibet penen 4-fevral kúni «Máripat taratıp» joybarı sheńberinde Dene mádeniyatı fakultetiniń «Fakultetler aralıq dene mádeniyatı kafedrası» professor-oqıtıwshıları tárepinen Qaraqalpaq mámleketlik universitetiń sport maydanshalarında «Shayırlar» máhálle puqaralar jıyını jasları arasında sporttıń kishi futbol túri boyınsha jarıs shólkemlestirildi. Ótkerilgen jarısqa máhálleden jámi 6 komanda qatnastı. Jarıs qızǵın bellesiwlerge bay bolıp, jaslardıń futbolǵa bolǵan qızıǵıwshılıǵı hám olardıń sport sheberlikleri sınaldı.
Jarıs tóreshiler tárepinen ádil bahalanıp, jeńimpaz komandalar anıqlandı. Jarıs jeńimpazları shólkemlestiriwshiler tárepinen tayarlanǵan diplomlar hám estelik sawǵaları menen sıylıqlandı. Ótkerilgen jarıstıń maqseti jaslar arasında sporttıń kishi futbol túri boyınsha jarıs ótkeriw arqalı olar arasında salamat turmıs tárizin qáliplestiriw, sporttıń kishi futbol sport túrin rawajlandırıw hám en jaydırıw, olardıń sport sheberligin asırıw, sonday-aq, máhálle jasları menen tıǵız islesiw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
