Búgin Berdaq atındaǵı Qaraqalpaq mámleketlik universitetinde ullı babamız shayır, sárkarda Zahiriddin Muhammed Babur tuwılǵan kúniniń 542 jıllıǵına baǵıshlap ilimiy-ámeliy konferenciya bolıp ótti. Ilajdı universitettiń jaslar máselesi hám ruwxıy-aǵartıwshılıq isleri boyınsha prorektorı S.Alawatdinov ashıp berdi.

Ilajda Ózbek filologiyası fakulteti Ózbek tili hám ádebiyatı kafedrası docenti Z.Kabulova «Z.M.Bobur ádalatlı shax hám ullı shayır,» Ózbek til bilimi kafedrası docenti E.Orazbaev «Babur shıǵarmalarında arabsha ózlestirilgen sózler,» Ózbekstan tariyxı kafedrası assistenti Murat Talibaev «Orta ásirden belgili tulǵası» atamasında bayanat jasadı.

Bunnan soń, Ózbek filologiyası fakulteti studentleri hám Nókis qalalıq «Temurbekler mektebi» áskeriy-akademiyalıq liceyi oqıwshıları tárepinen kórkem shıǵıwlar kórsetildi. Atap ótilgenindey, búgingi kúnde ullı alımlarımız qaldırǵan ilimiy hám ádebiy miyrastı úyreniwge mámleketimiz basshısı tárepinen ayrıqsha itibar qaratılmaqta.