ЎзР ВМнинг 2019 йил 27 июндаги 534-сонли қарори билан Умид Мухтаралиевич Турдиалиев Андижон машинасозлик институтининг ректори этиб тайинланди.

2019 йил 29 июнь куни институтда Олий ва ўрта махсус таълим вазири Иномжон Мажидов профессор-ўқитувичлар, фахрий устозлар ва жамоа билан учрашув ўтказди. Учрашувда вазир жамоага янги ректорни таништирди.

— Халқимиз ва Президентимиз олий таълим тизими тараққиётнинг локомотиви бўлишини, мамлакат иқтисоди ривожи учун малакали кадрларни тайёрлашини хоҳламоқда, – деди Иномжон Мажидов. — Биз бу борада сўнги икки йилда кўп ишларни амалга оширдик. Биргина янги ўқув йилидан қабул квотаси 20 фоизга ошди, ОТМлар молиявий барқарорлигини яхшилаш учун ректорларга катта ваколатлар берилди. Лекин булар етарли эмас, ҳали қилишмиз керак бўлган ишлар жуда кўп. Мана шу йўлда Умид Турдиалиевга ва жамоага омад тилайман.

Янги ректор сўзга чиқар экан, юксак ишонч учун миннатдорчилик билдирди ҳамда институтнинг бугунги кундаги мавқеини сақлаб қолиш ва уни янги босқичга олиб чиқишда бор куч ва билимини сарфлашга сўз берди.

Маълумот учун, Турдиалиев Умид Мухтаралиевич 1980 йилда туғилган. Маълумоти олий, 2005 йилда Фарғона политехника институтни тамомлаган. Техника фанлари доктори, катта илмий ходим.

2018 йилдан ТКТИ илмий ишлар ва инновациялар бўйича проректори – ЎзР ФА Умумий ва ноорганик кимё институти директори ўринбосари лавозимларида фаолият кўрсатиб келган.

Манба: Олий ва ўрта махсус таълим вазирлигининг расмий телеграм канали: https://t.me/joinchat/AAAAAEX5-As9g1WrZzvANA