Жорий йил 7-9 июль кунлари Япония вакиллар палатаси депутати, Таълим, маданият, спорт, фан ва технологиялар вазирининг парламент ўринбосари Хироюки Накамура раҳбарлигидаги делегация юртимизга ташриф буюради.

Ташриф доирасида шу йилнинг 8 июль куни Тошкент давлат иқтисодиёт университетида Ўзбекистон ва Япония ректорларининг III конференцияси бўлиб ўтади. Учрашувда Япониянинг Таълим, маданият, спорт, фан ва технологиялар вазирлиги вакиллари, Нагоя, Мие, Цукуба, Аити ва Вакаяма каби нуфузли университетлар ректорлари, проректорлари ва факультет деканларидан таркиб топган 45 кишилик япон делегацияси иштирок этади.

Конференцияда олий таълим тизимида архитектура ва қурилиш, муҳандислик, технологиялар ҳамда ижтимоий-гуманитар соҳалардаги ҳамкорликни кенгайтириш масалаларини муҳокама қилинади.

Ташриф доирасида Япония делегацияси Самарқанд шаҳрига сайёҳат уюштиради ҳамда Самарқанд давлат университети жамоаси билан учрашади.

Маълумот учун, Ўзбекистон ва Япония ректорларининг I ва II конференциялари 2010 (Япония) ва 2015 (Ўзбекистон) йилларда ўтказилган.

Манба: Олий ва ўрта махсус таълим вазирлигининг расмий телеграм канали: https://t.me/joinchat/AAAAAEX5-As9g1WrZzvANA