Ámeliyat oqıw processiniń ajıralmas elementi sıpatında universitette studentler tárepinen alınǵan bilimlerin bekkemlew hám onı elede keńeytiw maqsetinde ámelge asırılıp, studentlerdiń qánigelik boyınsha zárúr ámeliy kónlikpelerin iyelew, texnologiya hám miynettiń jetekshi usılların ózlestiriw imkaniyatın beredi.

Usı tiykarda Berdaq atındaǵı Qaraqalpaq mámleketlik universiteti Matematika fakulteti Matematika tálim baǵdarı 4-basqısh studentleri usı jıldıń 9-sentyabr kúninen baslap 21-dekabr kúnine shekem Nókis qalası xalıq bilimlendiriw bólimine qaraslı 4-17 hám rayonlıq ulıwma orta bilim beriw mekteplerinde hám Qaraqalpaq mámleketlik universiteti akademiyalıq liceyinde ámeliyat basshıları, J.Otarova, Sh.Erejepova, K.Baymuratova hám I.Salievlar menen birgelikte tórt aylıq pedagogikalıq ámeliyatın ótemekte.

Hazirgi waqɪtta oqıw dáwirinde alǵan bilim hám kónlikpelerinen kelip shıǵıp, studentler sabaq ótiw processlerinde hár túrli oyınlar shólkemlestirip, oqıwshılardıń sabaqqa qızıǵıwshılıǵın arttırmaqta. Studentlerge mektep metodistleri de ózleriniń sabaq ótiw metodların bólisiw menen birgelikte, oqıtıwshınıń oqıwshılar menen islesiwi, sonday-aq, klass saatların ótiw boyınsha da óz másláhátlerin berip kelmekte.

Bul processte studentler ózlerine júkletilgen wazıypalar sheńberinde erkin tárizde maǵlıwmat tańlawları hám alǵan bilimlerin ámelde qollanıwı múmkin hám kafedra jámááti tárepinen olarǵa tabıslar tileymiz.