Жорий йилнинг 5 октябрь куни Нукус шаҳри атрофида жойлашган Аччиқкўл кўли ва унинг атрофида учрайдиган қушларга «Халқаро кузги кузатув куни» ўтказилди.

Бу кузатувда Ўзбекистон Қушларни муҳофаза қилиш жамияти Қорақалпоғистон бўлими аъзоларидан Қорақалпоқ давлат университети Биология факультетининг ассистенти И.Арепбаев, Ўзбекистон Фанлар академияси Қорақалпоғистон бўлимининг кичик илмий ходими Г.Матекова ва Қорақалпоқ давлат университети қошида ташкил этилган «Otus» – талабалар клуби аъзоларидан 20 нафар талаба қатнашди.

Бу кузатувда қўйидаги 18 турдаги қушлар ҳисобга олинди. Яъни,

1. Дала чумчуғи Passer montanus – 17
2. Майна Acridotheres tristis – 3
3. Гўнг қарға Cоrvus frugilegus -8
4. Қашқалдоқ Fulica atra -220
5. Денгиз каптари, Ингичка тумшуқли балиқчи Larus genei – 58
6. Ёввойи ўрдак Anas platyrhynchos -25
7. Қора томоқ қанжир, Қора бўйинли қўнғир Podiceps nigricollis – 32
8. Олмабош Netta rufina – 14
9. Кўк каптар Columba livia -23
10. Сўфитўрғай Galerida cristata – 6
11. Зағизғон Pica pica – 2
12. Оддий чағалай Larus cachinnans – 7
13. Суқсун Anas clypeata -20
14. Катта қўнғир Podiceps cristatus – 17
15. Кулранг чаккали қўнғир Podiceps grisegena – 7
16. Қизилбош Aythya ferina -55
17. Қизилоёқ балчиқчи Tringa totanus -34
18. Кўл балиқчиси Larus ridibundus -21

Албатта, бундай тадбирларнинг ўтказилиши талаба-ёшларда назарий билимларини амалиётда кенг қўлланишида ўзининг самарасини беришига ишонамиз.

Ж.Измурзаева,

Биология факультетининг 3-курс талабаси.